Ritratt : Nadia Said
Ajruplan ta’ żewġ passiġġieri Taljani jidher li tilef il-kontroll u waqa’ fil-baħar fil-limiti tax-Xlendi. Ħadd ma’ weġġa f’dan l-inċident.
Minn investigazzjonijiet preliminari li għamlet il-Pulizija jidher li għal xi raġuni l-mutur tal-ajruplan waqaf bil-konsegwenza li l-pilota kellu jagħmel inżul ta’ emerġenza fuq il-baħar.
Il-Pulizija permezz ta’ stqarrija kkonfermaw li l-pilota li għandu 55 sena u kif ukoll raġel ieħor ta’ 61 sena li kien miegħu waqt it-titjira, ngħataw l-ewwel għajnuna minn żewġ persuni li f’dak il-ħin kienu bid-dgħajsa tagħhom.
Fuq il-post, kien hemm ambulanza, membri tal-Forzi Armati ta’ Malta kif ukoll membri tal-Protezzjoni Ċivili biex jagħtu l-ewwel għajnuna.
L-investigazzjoni tal-Pulizija għadha għaddejja.
Ritratti ; Mark Attard
(L-ewwel ritratt li ntuża kien ritratt mill-Arkivji u mhux tal-ajruplan li waqa’)
//= $special ?>