Il-Federazzjoni tal-Motorsport fi stqarrija qalet li qed tistenna iktar informazzjoni dwar is-sit eżatt u ż-żona fejn se jsir l-iżvilupp tat-trakka tal-muturi u l-karozzi li l-Gvern ħabbar għal Ta’ Qali.
L-istess Federazzjoni, fl-istqarrija tagħha ħabbret li saret taf li l-Gvern għażel lil Ta’ Qali biex fih issir it-trakka mill-aħbarijiet tal-istazzjon nazzjonali.
Filwaqt li tilqa’ l-iżvilupp b’mod pożittiv, il-Federazzjoni qed tħares ‘il quddiem li tassisti fid-deċiżjoni li ssir it-trakka u appellat lill-partiti politiċi biex jingħaqdu wara dan il-proġett nazzjonali.
