Maltemp jolqot il-Gżejjer Maltin
Twissija maħruġa mill-Uffiċju Meterjoloġiku tal-Ajruport Internazzjonali ta’ Malta qalet li l-gżejjer Maltin illum se jintlaqtu minn tempesti bir-ragħad.
Dan hekk kif fi tmiem din il-ġimgħa kien diġa prevvist maltemp b’xita u ragħad. Is-sit FirstMalta.com qal li dan hu riżultat ta’ sistema ta’ pressjoni baxxa mal-lejl li għadda li se timxi lejn it-Tuneżija u testendi saċ-ċentru tal-Mediterran sal-lum.
L-iktar maltemp intens mistenni jilħaq lit-Tuneżija u l-Mediterran iżda l-gżejjer Maltin xorta mistennija jintlaħqu minn xita bir-ragħad matul il-ġurnata.
Għandek xi ritratti? Ibgħathomlna fuq news@netmedia.com.mt jew inkella permezz ta’ messaġġ fuq il-paġna tagħna ta’ Facebook.
