Illum fil-Padiljun tal-Malta Basketball Association f’Ta’ Qali telgħu l-poloz tal-BOV KO taż-żewġ diviżjonijiet, fejn min-knock-out tal-ewwel diviżjoni teżisti l-possibbiltà li BUPA Luxol jilagħbu kontra Gżira Athleta, dejjem jekk tal-aħħar jegħlbu l-ostaklu ta’ Depiro.
Il-President tal-Malta Basketball Association Paul Sultana wera s-sodisfazzjon tiegħu għal fatt li tlesta l-ewwel fażi tal-proġett li fih tlesta l-proġett tal-Padiljun filwaqt li t-tieni fażi se tinvolvi l-irranġar tal-istands tal-partitarji, l-uffiċini tal-assoċjazzjoni u d-dressing rooms.
Iċ-Chief Officer tal-BOV Peter Perotti qal li bħala bank ilhom numru ta’ snin involuti fil-basketball u speċjalment fl-aħħar snin raw titjib sinifikanti. Hu qal li kien pass għaqli li sar il-court l-ieħor ħdejn il-padiljun prinċipali.
Perotti qal li l-isfidi prinċipali tal-MBA jibqgħu l-finanzi u qal li l-BOV għalhekk jgħin fl-iżvilupp taż-żgħażagħ u r-riżultati fl-aħħar snin juri titjieb tanġibbli.
Paul Sultana għamel aċċenb għall-kampjonat fejn qal li t-timijiet jidhru bilanċjati din is-sena b’Hibernians jidhru li għandhom xi ħaġa aħjar minn ħaddieħor. Iżda kompla jgħid li timijiet bħal Athleta u Luxol qegħdin hemm u Depiro flimkien ma’ Starlites għandhom tim tajjeb biż-żgħażagħ.
Sultana wera s-sodisfazzjon li minkejja b’ritmu ftit aktar kajman milli mistenni, il-Basketball f’Malta qiegħed jikber b’aktar tfal jiżdiedu jilagħbu filwaqt li fil-livell tal-kbar hemm disa’ timijiet fit-tieni diviżjoni fosthom MSC Balkan Fusion li hu tim magħmul mill-barranin. Sultana għamel aċċenn ukoll għal dawk li jissejħu ‘local referees’ li jkunu barranin li jaħdmu f’pajjiżna, b’uħud minnhom jidħlu wkoll referees.
B’referenza għal dan, Sultana qal li fit-tieni sena ta’ din l-inizjattiva tranġaw ir-regoli u ħalla l-possibbiltà li r-regoli jinfetħu aktar.
Poloz tal-BOV KO tal-ewwel diviżjoni
Rawnd Preliminari
Il-Ħadd 28 ta’ Jannar
Athleta v Depiro 4.15pm
Semifinali
Il-Ħadd 25 ta’ Frar
Luxol v Athleta/Depiro 12.45pm
Diviżjoni Amateur
Rawnd Preliminari
L-Erbgħa 6 ta’ Diċembru
Hibernians v Victoria Libertas 7.30pm
Kwarti tal-finali
Il-Ġimgħa 8 ta’ Diċembru
Balkan Fustion v Athleta 11.00am
Depiro v Starlites 12.45pm
Il-Ħadd 10 ta’ Diċembru
Siġġiewi v Luxol 11.00am
Hibs/Victoria v Marvels 12.45pm
Semifinali
Is-Sibt 10 ta’ Frar
Hibs/Victoria/Marvels v Dep/Sta 11.00am
Balkan/Athleta v Siġġiewi/Luxol 12.45pm
Il-finali taż-żewġ kompetizzjonijiet jintlagħbu s-Sibt 31 ta’ Marzu
