Uffiċjal fis-Segretarjat Privat ta’ Silvio Parnis, is-Segretarju Parlamentari fil-Ministeru tal-Ġustizzja, qed jiffaċċja akkużi ta’ frodi.
Fi stqarrija xotta, il-Gvern qal li uffiċjal fis-Segretarjat Privat tas-Segretarju Parlamentari qed jiffaċċja akkużi ta’ frodi wara rapport li sar lill-Pulizija. Il-Gvern qal li r-rapport sar mis-Segretarju Parlamentari nnifsu. Il-Gvern fl-istqarrija qal li s-segretarju privat iffroda lill-istess Silvio Parnis.
Is-segretarju privat konċernat, li fl-istqarrija ma ntqalx min hu, se jitressaq il-Qorti fil-ħin li ġej.
