Anzjan ta’ 68 sena mill-Belt qed isofri minn feriti serji wara li allegatament waqa’ t-taraġ tar-residenza tiegħu fi Triq it-Teatru l-Antik.
Il-Pulizija kienet infurmata bil-każ għall-ħabta tal-3.40am, meta l-anzjan kien diġà twassal l-Isptar Mater Dei għall-kura.
Il-Pulizija mid-Distrett qed jinvestigaw il-każ, filwaqt li l-Maġistrat tal-għassa Yana Micallef Stafrace ġiet infurmata bil-każ u qed tmexxi Inkjesta Maġisterjali.
