Anzjan ta’ 67 sena mis-Siġġiewi sofra feriti serji wara li waqa’ t-taraġ fi blokka ta’ appartamenti fil-Gżira.
Il-każ seħħ għall-ħabta tas-12.45pm fi Triq il-Belvedere, bl-anzjan ittieħed l-Isptar Mater Dei b’Ambulanza għal aktar kura.
Hemm, hu kien iċċertifikat li qed isofri minn feriti serji, bl-awtoritajiet tas-Saħħa infurmaw bil-każ lill-Pulizija, li għadha għaddejja bl-investigazzjonijiet.
