Raġel li l-identità tiegħu għadha mhux magħrufa tilef ħajtu wara inċident b’mutur fi Triq il-Kosta.
Kelliem għall-Pulizija kkonferma ma’ NET News li s-sewwieq tal-mutur ’tilef il-kontroll’. Madanakollu għad mhux magħruf x’wassal biex ir-raġel tilef il-kontroll, ladarba ritratti tal-mutur li kien qed isuq ma jurux daqqiet kbar.
L-inċident seħħ ftit qabel is-2.30 ta’ waranofsinhar u fuq il-post minnufih marru kemm Pulizija kif ukoll ambulanza li ħadet lir-raġel l-isptar Mater Dei.
Madanakollu, sfortunatament, ir-raġel tilef ħajtu. Aktar kmieni, NET News irrapporta li r-raġel kien jinsab f’kundizzjoni ħażina ħafna, tant li ftit li xejn kien qed jirrispondi għall-interventi mediċi li minnufih bdew isirulu.
Sfortunatament, dan hu t-tieni inċident b’mutur f’jumejn fl-istess triq, wara li lbieraħ tilef ħajtu Giulio Baldacchino.
It-tieni dizgrazzja f’jumejn
Giulio Baldacchino jitlef ħajtu f’inċident bil-mutur fi Triq il-Kosta
