Il-Maratona Ġbir ta’ Fondi tal-Partit Nazzjonalista inkludiet fiha intervisti ma’ numru ta’ Deputati u Ufficjali tal-Partit.
Fost l-oħrajn, kien hemm fl-istudio ukoll l-eks Kapijiet tal-Partit Nazzjonalista Lawrence Gonzi u Simon Busuttil, li tkellmu dwar l-andament politiku bħalissa, meta pajjiżna reġa’ jinsab fuq ilsien id-dinja meta sid Bank irreġistrat f’Malta qed ikun akkużat mill-awtoritajiet Amerikani.
Fil-kumment tiegħu, Lawrence Gonzi appella biex f’dan il-mument, il-Partit Nazzjonalista jkun magħqud, filwaqt li Simon Busuttil qal li l-vera alternattiva biex pajjiżna jista’ jerġa’ jaqbad it-triq it-tajba hi biss il-Partit Nazzjonalista.
