Għal Ġuże’ Deguara, l-istatwa tal-Irxoxt tan-Naxxar hija ħolma li ma laħqitx saret realtà.
Ġuże Deguara huwa l-benefattur ta’ statwa tal-Irxoxt oriġinali f’Malta.
Statwa oriġinali li din is-sena se tiżżanżan għall-ewwel darba bħala statwa kompletament lesta. Fl-istatwa tal-Irxoxt tan-Naxxar, il-figura ta’ Kristu hija maqtugħa mill-art u qed iżomm biss bil-liżar li l-burdura tiegħu hija tad-deheb.
Madankollu, għalkemm din l-istatwa, li tinsab fil-Knisja tan-Naxxar, ġiet imħalsa minn Ġuże, hu laħaq miet u ma laħaqx raha lesta.
Wieħed mit-tfal ta’ dan il-benefettur huwa l-eks Ministru Louis Deguara.
L-istatwa ġiet inawgurata tliet snin ilu iżda dis-sena se tkun l-ewwel darba li se toħroġ biż-żebgħa lesta. Dan hekk kif is-sena l-oħra ħarġet fil-purċissjoni fuq l-injam biss.
L-istatwa l-antika tal-Irxoxt, dik li kienet magħmula mill-kartapesta, tinsab fil-mużew tal-Knisja.
