Anzjan ta’ 72 sena residenti San Ġwann intlaqat minn vettura tal-Pulizija, f’inċident li seħħ fil-17:30 fi Triq Feliċ Borġ, f’San Ġwann.
Il-vettura, tat-tip Fiat Ducato li kienet qed tinstaq minn kuntistabbli stazzjonat fid-distrett ta’ San Ġiljan, li ma ndunax bl-inċident u baqa’ sejjer.
Fuq il-post issejjaħ team mediku u permezz t’ambulanza l-vittma ttieħed l-Isptar Mater Dei għall-kura. Il-kundizzjoni tiegħu għad mhix magħrufa.
L-investigazzjoni tal-Pulizija dwar dan l-inċident għadha għaddejja.
