Lokali

ARA: Kif se jaffettwawk id-direttivi tal-MUMN f’kull post fejn jaħdmu l-infermieri u l-qwiebel?

28 ta' Ġunju 2018

L-infermiera u l-qwiebel kollha li jiffurmaw parti mill-MUMN, minn nhar il-Ħamis 5 ta’ Lulju se josservaw lista twila ta’ direttivi f’kull sptar u ċentru tas-saħħa pubbliku wara li għad m’hemm l-ebda żvilupp pożittiv dwar ftehim settorjali għalihom:

Fl-Isptar Mater Dei:

  • Ma jaħslux lill-pazjenti, , ħlief dawk li ma jistgħux jinħaslu fis-sodda minn staff ta’ sapport minħabba kundizzjonijiet serji tagħhom;
  • Ma jbiddlux ħrieqi tal-pazjenti, kif ukoll ambulazzjoni tagħhom kemm matul il-ġurnata kif ukoll bil-lejl;
  • Ma jipparteċipawx f’rawnds tal-wards;
  • Ma jqassmux ikliet;
  • Ma jipparteċipawx fid-Diaper Initiative jew audits oħra;
  • Ma jwettqux job shadowing;
  • Ma jwettqux qadi barra mill-post tax-xogħol;
  • Ma jipparteċipawx fit-trasferiment tal-pazjenti bejn sala u oħra ħlief għal pazjenti b’emboliżmu pulmonarju, chest drains jew pazjenti li jirrikjedu kura intensiva;
  • Ma jipparteċipawx fi trasferiment ta’ pazjenti li jkunu se jagħmlu operazzjonijiet elettivi f’kull teatru, endeskopija u suites ħlief għal nisa li jkunu sejrin għal ċesarja u għal pazjenti fejn il-pre-medikazzjoni tkun ingħatat għal ġo sala;
  • Ma jaċċettawx sodod żejda fi kwalunkwe ward,
  • Ma jsir l-ebda xogħol klerikali,
  • Ma jintużawx kompjuters jew apparat simili;
  • Ma jintużawx is-C-PASS, C-BED u Clingo;
  • Ma jsirux ordnijiet għal prodotti konsumabbli jew ta’ farmaċewtika;
  • Ma jakkumpanjawx pazjenti lejn sptarijiet oħra, djar tal-anzjani jew kliniċi;
  • Ma jsirux proċessi ta’ tneħħija kirurġika ta’ demm, ħlief infermieri li jaħdmu fil-Bleeding Room;
  • Ma ssirx is-Syntocinon Infusion għal nisa tqal li jkunu sse jgħaddu minn induzzjoni medika tal-ħlas;
  • Ma jintlibsux badges ta’ identifikazzjoni.

Fis-swali ewlenin tal-operazzjonijiet:

  • Ma jkunux preżenti jew jassistu f’listi elettivi qabel l-10:30;
  • Ma jattendux jew jaqdu dmirijiet f’holding bays;
  • Ma jaċċettawx pazjenti li jkunu se jgħaddu mill-GA sakemm mhux trasferiti minn teatru għal sodod;
  • Ma jagħmlux qadi barra mill-MOT;
  • Ma jsirux ordnijiet għal prodotti konsumabbli jew ta’ farmaċewtika;
  • Ma jintużawx kompjuters jew apparat simili;
  • Ma jintużawx is-C-PASS, C-BED u Clingo.

Fid-Dipartiment A&E:

  • Ma jintlibsux badges ta’ identifikazzjoni;
  • Ma jsir l-ebda Tracking;
  • Ma jsirx ġibs lill-pazjenti;
  • Ma jitweġbux telefonati ħlief il-112/5;
  • Ma jinħaslux pazjenti;
  • Ma jsirx xogħol klerikali ħlief ibbukkjar ta’ trasport biex il-pazjenti jirritornaw id-dar;
  • Ma jintużawx kompjuters ħlief għat-Triage;
  • Ma jsirx fast tracking għal ksur fil-ġenb tal-ġisem;
  • Ma jiġux akkumpanjati pazjenti barra mid-dipartiment ħlief jekk il-każ ma jkunx każ ta’ risuxxitazzjoni.

L-Endescopy Unit:

  • Ma jkunux preżenti jew jassistu fi kwalunkwe proċedura qabel l-10:30;
  • Ma jimmaniġġjawx, jirtiraw jew jippreparaw mediċini DDA li t-tabib ikun se jamministra;
  • Ma jċemplux lil pazjenti li jkunu fis-swali qabel il-proċeduri mediċi;
  • Ma jirrispondux telefonati li jsiru fil-unit;
  • Ma jagħmlux qadi barra mill-unit;
  • Ma jsir l-ebda xogħol klerikali;
  • Ma jintużawx kompjuters jew apparat simili;
  • Ma jintużawx is-C-PASS, C-BED u Clingo;
  • Ma jsirux ordnijiet għal prodotti konsumabbli jew ta’ farmaċewtika.

Id-Dipartiment Out-Patient’s:

  • Ma jitweġbux telefonati;
  • L-infermiera tal-out patients mhux se jakkumpanjaw (nursing chaperone) lill-pazjenti;
  • Il-pazjenti mhux se jiġu akkumpanjati għas-swali;
  • Ma jsirx qadi barra mill-post tax-xogħol;
  • Ma jsirux ordnijiet għal prodotti konsumabbli jew ta’ farmaċewtika;
  • Mhux se jintlibsu badges ta’ identifikazzjoni.

ITU:

  • Mhux se jitwieġbu telefonati ħlief it-telephone CPR;
  • Mhux se jiġu assistiti pazjenti li jkollhom bżonn l-infermiera biex jimxu jew jiċċaqilqu;
  • Ma jitlibbsux pazjenti li jkunu mietu;
  • Mhux se jintlibsu badges ta’ identifikazzjoni.

Ir-residenza San Vinċenz de Paule:

  • L-infermiera mhux se jaħslu, jbiddlu l-ħrieqi jew jassistu residenti li jkollhom bżonn l-infermiera biex jimxu jew jiċċaqilqu la mal-ġurnata u lanqas waqt night shifts;
  • Mhux se jiġu aċċettati pazjenti wara s-18:00;
  • Mhux se jsiru rounds tas-swali;
  • Pazjenti mhux se jiġu mitmugħa ħlief dawk fl-Enteral Feeding;
  • Ma jsirx qadi barra mill-post tax-xogħol;
  • Ma jsirux trasferimenti ta’ pazjenti bejn sala u oħra;
  • Ma jipparteċipawx fi proġetti pilota jew kwalunkwe audit;
  • Ma jsirx xogħol klerikali;
  • Ma jsirux ordnijiet għal prodotti konsumabbli jew ta’ farmaċewtika;
  • Ma jintużawx kompjuters jew apparat simili;
  • Ma ssir preparazzjoni għall-files tal-pazjenti;
  • Ma jsirux proċessi ta’ tneħħija kirurġika ta’ demm;
  • Ma jintlibsux badges ta’ identifikazzjoni;
  • L-infermiera ma jħallux is-swali rispettivi, ħlief biex iserrħu lil infermieri oħra fi swali oħra matul in-night duties.

L-Isptar Monte Karmeli:

  • L-infermiera mhux se jaħslu, jbiddlu l-ħrieqi jew jassistu residenti li jkollhom bżonn l-infermiera biex jimxu jew jiċċaqilqu la mal-ġurnata u lanqas waqt night shifts;
  • Ma jipparteċipawx f’rounds tas-swali jew reviews tal-pazjenti;
  • Ma jipparteċipawx fi tqassim tal-ikliet ħlief għalf enterali;
  • Ma jsirx qadi barra mill-post tax-xogħol inkluż l-akkumpanjament tal-pazjenti lejn swali oħra, il-kappella jew il-ġnien;
  • Ma jipparteċipawx fi trasferiment ta’ pazjenti bejn is-swali ħlief f’sitwazzjonijiet partikolari ta’ emerġenza;
  • Ma jirrispondux telefonati, u f’każi ta’ emerġenza jintuża biss il-mobile tas-swali;
  • Ma jsirx xogħol klerikali;
  • Ma jintużawx kompjuters jew apparat simili;
  • Ma jsirux proċessi ta’ tneħħija kirurġika ta’ demm;
  • Il-pazjenti ma jkunux akkumpanjati lejn sptarijiet oħra, djar tal-anzjani jew kliniċi oħra ħlief lejn id-Dipartiment A&E;
  • Ma jattendux sessjonijiet ta’ cases review;
  • Ma jsirux preparamenti għad-dokumenti tal-pazjenti għar-rawnds tas-swali u patient reviews;
  • Ma jintlibsux badges ta’ identifikazzjoni;
  • Ma jsirux ordnijiet għal prodotti konsumabbli jew ta’ farmaċewtika.

L-Isptar Karin Grech:

  • Ma jbiddlux ħrieqi tal-pazjenti, kif ukoll ambulazzjoni tagħhom kemm matul il-ġurnata kif ukoll bil-lejl;
  • Ma jipparteċipawx f’ward rounds;
  • Ma jipparteċipawx fi tqassim tal-ikliet ħlief għalf enterali;
  • Ma jsirx qadi barra mill-post tax-xogħol;
  • Ma jsirx xogħol klerikali;
  • Ma jakkumpanjawx pazjenti lejn sptarijiet oħra, djar tal-anzjani jew kliniċi;
  • Ma jiġux aċċettati pazjenti wara s-18:00;
  • Ma jsirux preparazzjonijiet għall-files tal-pazjenti;
  • Ma jitweġbux telefonati;
  • Ma jintlibsux badges ta’ identifikazzjoni.

L-Isptar Ġenerali ta’ Għawdex:

  • L-infermieri mhux se jaħslu pazjenti ħlief dawk li ma jistawx jinħaslu minn staff ta’ sapport fuq is-sodda tagħhom stess minħabba kundizzjonijiet mediċi serji;
  • Ma jipparteċipawx f’rounds tas-swali;
  • Ma jipparteċipawx fi tqassim tal-ikliet ħlief għalf enterali;
  • Mhux se jsir qadi barra mill-post tax-xogħol;
  • Mhux se jipparteċipaw fi trasferiment tal-pazjenti bejn sala u oħra ħlief pazjenti b’Pulmonary Embolism, Chest Drains jew pazjenti li jirrikjedu kura intensiva;
  • Ma jsir l-ebda xogħol kjerikali;
  • Ma jintużawx kompjuters jew apparat simili;
  • Mhux se jsiru proċeduri ta’ tneħħija kirurġika ta’ demm ħlief għal pazjenti tal-onkoloġija;
  • Ma jiġux akkumpanjati pazjenti lejn sptarijiet oħra, djar tal-anzjani, kliniċi oħra jew il-Qrati tal-Ġustizzja;
  • Ma jiġux rappurtati kwalunkwe tiswijiet;
  • Ma jiġux ordnati prodotti konsumabbli jew ta’ farmaċewtika;
  • Ma jiġux aċċettati sodod żejda fis-swali;
  • Mhux se jintlibsu badges ta’ identifikazzjoni;
  • Ma jsir l-ebda tip ta’ Nursing Chaperone fid-Dipartiment tal-Outpatients;
  • Ma jsir l-ebda tip ta’ Triage fid-Dipartiment tal-A&E;
  • Ma jsirx Tracking;
  • It-tobba mhux se jiġu akkumpanjati fil-Fresh Trauma Clinic;
  • Ma jħallux is-swali tagħhom biex iserrħu infermiera oħra fi swali oħra waqt in-night duty;
  • Infermiera li jaħdmu fid-Day Care Unit se jattendu biss għal pazjenti tad-Day Care;

Iċ-Ċentru tas-Saħħa tar-Rabat, Għawdex:

  • Mhux se jsiru proċeduri ta’ tneħħija kirurġika ta’ demm ħlief għal pazjenti tal-onkoloġija u dawk b’anġina instabbli;
  • Mhux se jsir stokkjar ta’ prodotti konsumabbli jew farmaċewtiċi;
  • Mhux se jsir infaxxar ta’ feriti wara l-17:00;
  • Ma tingħatax assistenza fi proċeduri ta’ sutura, tneħħija ta’ punti jew tindif tal-widnejn;
  • Ma jimtlewx repair forms;
  • Mhux se jintlibsu badges ta’ identifikazzjoni;
  • Ma jintużawx kompjuters jew apparat simili;
  • Ma jsirx infaxxar ta’ pazjenti li ma jaqgħux taħt iż-żona fejn jaħdmu l-infermieri rispettivi;
  • Ma jiġux reġistrati pazjenti li jattendu fil-kamra tat-trattament;
  • Ladarba fiċ-Ċentri tas-saħħa m’hemmx faċilitajiet aċċettabbli relatati mal-kmamar tal-banju u l-kmamar tal-istaff, infermieri jistgħu jattendu bnadi oħra barra miċ-Ċentri tas-Saħħa meta jkollhom bżonn jużaw il-kmamar tal-banju jew fil-ħin tal-brejk.

L-Isptar tal-Onkoloġija Sir Anthony Mamo:

  • L-infermieri mhux se jaħslu pazjenti ħlief dawk li ma jistawx jinħaslu minn staff ta’ sapport fuq is-sodda tagħhom stess minħabba kundizzjonijiet mediċi serji;
  • Ma jipparteċipawx f’rounds tas-swali;
  • Ma jipparteċipawx fi tqassim tal-ikliet ħlief għalf enterali;
  • Ma jsirx qadi barra mill-post tax-xogħol ħlief għal pazjenti li jkunu għaddejjin mill-kimoterapija waqt it-trasferiment;
  • Ma jipparteċipawx fit-trasferiment tal-pazjenti bejn sala u oħra ħlief għal pazjenti b’emboliżmu pulmonarju, chest drains jew pazjenti li jirrikjedu kura intensiva;
  • Ma jsir l-ebda xogħol kjerikali;
  • Ma jintużax kompjuter jew apparat simili;
  • Ma jiġux akkumpanjati pazjenti lejn sptarijiet oħra, djar tal-anzjani jew kliniċi oħra;
  • Mhux se jintlibsu badges ta’ identifikazzjoni;
  • It-tobba mhux se jiġu akkumpanjati fil-kliniċi.

Fiċ-Ċentri tas-Saħħa:

  • L-infermieri mhux se jaħdmu f’Ċentri tas-Saħħa oħra ħlief fejn huma allokati;
  • Mhux se jsir ġibs lill-pazjenti;
  • Mhux se jsiru proċeduri ta’ tneħħija kirurġika ta’ demm ħlief għal pazjenti b’anġina instabbli;
  • Mhux se jsir stokkjar ta’ prodotti konsumabbli jew farmaċewtiċi;
  • Mhux se jsir infaxxar ta’ feriti ħlief fil-ħin tal-appuntamenti (10:00 sa 17:00);
  • Mhux se jsir infaxxar elettiv barra mill-ħin tal-appuntament;
  • Mhux se jsir iċċekkjar ta’ samples tad-demm li jasal fiċ-Ċentri tas-Saħħa mingħand tobba privati jew minn djar tal-anzjani privati;
  • Ma jimtlewx repair forms;
  • Ma jitwasslux pazjenti minn post għall-ieħor fiċ-Ċentri tas-Saħħa;
  • Mhux se jintlibsu badges ta’ identifikazzjoni;
  • Ma jintużawx kompjuters jew apparat simili ħlief għal pazjenti POC;
  • Ma jsirx infaxxar ta’ pazjenti li ma jaqgħux taħt iż-żona fejn jaħdmu l-infermieri rispettivi;
  • Ma tingħatax assistenza fi proċeduri ta’ sutura jew tindif tal-widnejn;
  • Ma jitneħħewx steri-strips, punti jew clips kirurġiċi;
  • Infermieri li jaħdmu fil-bereġ u kliniċi speċjali fosthom dawk tad-dijabete, oftalmika, ortopedika, renali, lifestyle, mcc u cdmc se jirrappurtaw għax-xogħol fil-kamra tat-trattament fejn allokali;
  • Ma jweġbux telefonati.

Fiċ-ċentri fejn jiġu offruti servizzi ta’ tilqim:

  • Mhux se jintlibsu badges ta’ identifikazzjoni;
  • Mhux se jitwieġbu telefonati.

Fil-klinika Well Baby:

  • Mhux se jintlibsu badges ta’ identifikazzjoni;
  • Mhux se jitwieġbu telefonati.

Fil-klinika Well Women (PHCD):

  • Mhux se jsiru sessjonijiet żejda;
  • Mhux se jintlibsu badges ta’ identifikazzjoni;
    Mhux se jitwieġbu telefonati.

Fil-Commcare Unit:

  • Mhux se jintużaw vetturi waqt il-qadi ta’ dmirijiethom.

Fid-djar tal-anzjani:

  • Ma jbiddlux ħrieqi tal-pazjenti, kif ukoll ambulazzjoni tagħhom kemm matul il-ġurnata kif ukoll bil-lejl;
  • Ma jipparteċipawx f’rawnds tal-wards;
  • Ma jipparteċipawx fi tqassim tal-ikliet ħlief għalf enterali;
  • Ma jsirx qadi barra l-post tax-xogħol;
  • Ma jsir l-ebda xogħol kjerikali;
  • Ma jiġux akkumpanjati pazjenti lejn sptarijiet oħra ħlief id-Dipartiment A&E;
  • Ma jiġux aċċettati pazjenti wara s-18:00;
  • Ma ssirx preparazzjoni għall-files tal-pazjenti;
  • Ma jitweġbux telefonati,
  • Ma jintlibsux badges ta’ identifikazzjoni;
  • Ma jsirux proċessi ta’ tneħħija kirurġika ta’ demm.

Fl-Isptar Sir Paul Boffa:

  • Ma jsirx ħasil tal-pazjenti;
  • Ma jsirx tqassim tal-ikliet ħlief għalf enterali;
  • Ma jsir l-ebda xogħol kjerikali;
  • Ma jsirux ordnijiet għal prodotti konsumabbli jew ta’ farmaċewtika;
  • Ma jintużawx kompjuters jew apparat simili;
  • Ma jitweġbux telefonati;
  • Ma jintlibsux badges ta’ identifikazzjoni.

Fl-Out-Patients tad-Dermatoloġija:

  • Ma tingħatax assistenza fil-lista elettiva tat-teatri qabel l-10:00;
  • Ma jiġux aċċettati pazjenti żejdaħlief f’każi urġenti fejn ikun hemm suspett ta’ melanoma;
  • Ma jarawx pazjenti fil-klinika tal-ulċeri fis-saqajn ħlief jekk ikun hemm appuntament ibbukkjat;
  • Ma jitweġbux telefonati;
  • Ma jiġux akkumpanjati pazjenti, ħlief f’każi urġenti;
  • Ma jsirux ordnijiet għal prodotti konsumabbli jew ta’ farmaċewtika.
  • Ma jiġux assistiti t-tobba fiż-żona klinika tal-outpatients;
  • Ma jintlibsux badges ta’ identifikazzjoni.

L-infermiera li jaħdmu bħala relievers  se jirrifjutaw ukoll li jaħdmu f’postijiet fejn l-infermiera ma jkunux qed jaħdmu minħabba d-direttivi tal-MUMN waqt li mhux se jidħlu fis-seħħ direttivi industrijali meta l-istudenti tan-nursing u midwifery jkunu għaddejjin bl-aħħar eżamijiet tagħhom.