L-Ispanjol Omar Fraile rebaħ l-14-il stadju tat-Tour de France fi tmiem drammatiku, hekk kif iċ-ċiklist ta’ Team Sky Geraint Thomas żamm il-flokk l-isfar. Jasper Stuyven attakka waħdu b’35 kilometru għat-tmiem iżda Fraile laħqu fl-aħħar tliet kilometri fi tmiem diffiċli f’Mende.
Fraile baqa’ jiddefendi l-vantaġġ u l-kontrattakk ta’ Julian Alaphilippe, b’Stuyven jidħol fit-tielet post. Iċ-champion tad-dinja Peter Sagan spiċċa fir-raba’ post għaxar sekondi wara, biex ikkonsolida l-vantaġġ tal-flokk l-aħdar filwaqt li għalih din kienet id-disa’ darba f’din l-edizzjoni li spiċċa mal-ewwel ħamsa.
Thomas spiċċa qrib ir-rivali tiegħu Chris Froome u Tom Dumoulin. Fil-klassifika ġenerali, Thomas baqa’ b’vantaġġ ta’ minuta u 39 sekonda fuq Chris Froome, b’Dumoulin 11-il sekonda wara l-erba’ darbiet rebbieħ tat-Tour de France.
Kif Spiċċaw l-14-il Stadju
1. Omar Fraile 4:41.57
2. Julian Alaphilippe +0.06
3. Jasper Stuyven +0.06
4. Peter Sagan +0.12
5. Damiano Caruso +0.17
6. Simon Geschke +0.19
7. Nicolas Edet +0.19
8. Lilian Calmejane +0.23
9. Daryl Impey +0.30
10. Thomas de Gendt +0.37
Klassifika Ġenerali
1. Geraint Thomas 58:10.44
2. Chris Froome +1.39
3. Tom Dumoulin +1.50
4. Primoz Roglic +2.38
5. Romain Bardet +3.21
6. Mikel Landa +3.42
7. Steven Kruijswijk +3.57
8. Nairo Quintana +4.23
9. Jakob Fuglsang +6.14
10. Dan Martin +6.54
