Sport Sport Ieħor

Geraint Thomas joqrob lejn ir-rebħ tat-Tour de France

Geraint Thomas (nofs) jaqsam il-linja fit-tieni post (Ritratt: EPA)

Geraint Thomas kompla joqrob li jirbaħ it-Tour de France għall-ewwel darba, wara li spiċċa t-tieni fid-19-il stadju fl-aħħar ġurnata fil-muntanji, b’Primoz Roglic jidħol fl-ewwel post. Il-Britanniku għeleb lill-eqreb rivali Tom Dumoulin fl-isprint finali, biex kiseb sitt sekondi bonus u kabbar il-vantaġġ fil-klassifika finali b’żewġ stadji għat-tmiem.

Thomas jinsab żewġ minuti u ħames sekondi vantaġġ, bl-istadju tal-lum hu time trial individwali ta’ 31 kilometru. L-istadju finali tal-Ħadd f’Pariġi mhux se tara tibdil fil-klassifika. Dan għaliex it-tradizzjoni tiddetta li l-flokk l-isfar ma jkunx attakkant fl-aħħar stadju.

Jekk Thomas ikun għadu fuq quddiem fit-time trial, isir it-tielet Britanniku li jirbaħ din it-tiġrija, wara Sir Bradley Wiggins fl-2012 u l-erba’ darbiet rebbieħ Chris Froome.

Iċ-champion renjanti spiċċa maċ-ċiklisti tal-grupp ta’ Thomas, iżda niżel fit-tielet post fil-klassifika, b’Roglic jaqsam il-linja finali waħdu b’vantaġġ ta’ 19-il sekonda.

Kif spiċċaw id-19-il stadju

1. Primoz Roglic            5:28.17

2. Geraint Thomas       +0.19

3. Romain Bardet         +0.19

4. Daniel Martin           +0.19

5. Rafal Majka               +0.19

6. Tom Dumoulin         +0.19

7. Mikel Landa              +0.19

8. Chris Froome            +0.19

9. Steven Kruijswijk     +0.31

10. Ilnur Zakarin           +0.31

Klassifika Ġenerali

1. Geraint Thomas         79:49.31

2. Tom Dumoulin          +2.05

3. Primoz Roglic            +2.24

4. Chris Froome             +2.37

5. Steven Kruijswijk      +4.37

6. Mikel Landa               +4.40

7. Romain Bardet          +5.15

8. Daniel Martin            +6.39

9. Nairo Quintana         +10.26

10. Ilnur Zakarin           +11.49