Raġel minn Wied il-Għajn kellu jittieħed b’urġenza l-Isptar Mater Dei wara li kien involut f’inċident tat-traffiku.
Il-każ seħħ fis-2pm fi Triq Villabate, Ħaż-Żabbar, meta seħħ impatt bejn vettura tat-tip Toyota Vitz misjuqa mill-vittma ta’ 41 sena u Peugeot 308 misjuqa minn raġel ta’ 40 sena minn San Pawl il-Baħar.
Fuq il-post ġie msejjaħ tim mediku tal-ambulanzi li ħa lis-sewwieq tat-Toyota l-isptar għal aktar kura fejn aktar tard ġie ċċertifikat li ġarrab ġrieħi gravi.
Intant l-investigazzjonijiet tal-Pulizija għadhom għaddejjin.
//= $special ?>