Anzjan Ġermaniż, ta’ 68 sena, tilef ħajtu waqt li kien qed jgħum fil-Bajja tad-Dwejra, f’Għawdex.
Jirriżulta li, għall-ħabta tal-5pm, l-anzjan kien qed jgħum u għal xi raġuni sab ruħu f’diffikultà.
Persuni fil-post sejħu tim mediku biex jgħinu lill-anzjan.
Madankollu, is-sehem immedjat tal-paramediċi kien għalxejn għax il-Ġermaniż kien iċċertifikat mejjet fil-post.
Għaldaqstant, issejħet il-Hearse tal-Pulizija biex il-katavru tal-anzjan jittieħed l-Isptar Ġenerali ta’ Għawdex, fejn mistennija ssir l-awtopsja fuqu fis-sigħat li ġejjin.
Aktar investigazzjonijiet tal-Pulizija għadhom għaddejjin.
