Tfajla ta’ 23 sena nstabet mixħuta mal-art f’appartament li jinsab fi Triq il-Kapuċċini, ir-Rabat, Għawdex.
Is-sejba saret għall-ħabta tas-13:15 meta l-Pulizija daħlulha rapport li kien hemm bżonn l-assistenza tagħha. Fil-post intalbet ukoll l-assistenza medika, fejn waslet ambulanza, iżda t-tfajla, li hi Niġerjana, kienet iċċertifikata mejta fuq il-post.
L-investigazzjonijiet tal-Pulizija għadhom għaddejjin, waqt li nfetħet inkjesta li qed titmexxa’ mill-Maġistrat tal-Għassa Joanne Vella Cuschieri li ħatret diversi esperti biex jassistuha.
L-ewwel indikazzjonijiet s’issa juru li m’hemmx involviment ta’ terzi persuni f’dan il-każ.
//= $special ?>