Il-magazine Franċiż France Football ħabbar il-lista tat-30 plejer finalist għar-rebħ tal-Ballun tad-Deheb ta’ din is-sena. Fost il-plejers f’din il-lista hemm il-Portugiż Cristiano Ronaldo, li jinsab fil-lista minkejja allegazzjoni ta’ stupru fuq mara li ltaqa’ magħha f’Las Vegas fl-2009, akkuża li Ronaldo ċaħad bil-qawwa. L-ismijiet ħarġu fi gruppi ta’ ħamsa matul il-ġurnata, b’lista totali ta’ 30 plejer, biċ-ċerimonja ssir fit-3 ta’ Diċembru f’Pariġi.
Il-Ballun tad-Deheb hu separat mill-unur annwali li tagħti l-FIFA, li din is-sena ntrebaħ mill-midfielder Kroat Luka Modric. Ir-rebbieħ tal-Ballun tad-Deheb jintgħażel minn numru ta’ ġurnalisti internazzjonali, b’rappreżentant għal kull pajjiż.
Il-ġurija tinnomina l-plejers fuq il-prestazzjonijirt tagħhom waqt is-sena kalendarja, it-talent u l-fair play kif ukoll il-kisbiet tagħhom matul il-karriera. Kull membru tal-panel jagħżel l-aqwa ħames nominati, bl-ewwel għażla jingħata sitt punti, it-tieni għażla jieħu erba’ punti, it-tielet jieħu t-tliet punti, ir-raba’ żewġ punti u l-ħames għażla jieħu punt.
Wara li jkunu vvutaw il-membri kollha tal-panel, il-plejer bl-aktar punti jirbaħ il-Ballun tad-Deheb. F’każ li jkun hemm żewġ plejer bl-istess ammont tal-punti, il-plejer bl-aktar preferenzi tal-ewwel post jirbaħ l-unur.
In-nominati għar-rebħ tal-Ballun tad-Deheb
Sergio Aguero Manchester City u Arġentina
Alisson Liverpool u Brażil
Gareth Bale Real Madrid u Wales
Karim Benzema Real Madrid
Edinson Cavani PSG u Urugwaj
Thibaut Courtois Real Madrid u Belġju
Cristiano Ronaldo Juventus v Portugall
Kevin De Bruyne Manchester City u Belġju
Roberto Firmino Liverpool u Brażil
Diego Godin Atletico Madrid u Urugwaj
Antoine Griezmann Atletico Madrid u Franza
Eden Hazard Chelsea u Belġju
Isco Real Madrid u Spanja
Harry Kane Tottenham u Ingilterra
N’Golo Kante Chelsea u Franza
Hugo Lloris Tottenham u Franza
Mario Mandzukic Juventus u Kroazja
Sadio Mane Liverpool u Senegal
Marcelo Real Madrid u Brażil
Kylian Mbappe PSG u Franza
Lionel Messi Barcelona u Arġentina
Luka Modric Real Madrid u Kroazja
Neymar PSG u Brażil
Jan Oblak Atletico Madrid u Slovenja
Paul Pogba Manchester United u Franza
Ivan Rakitic Barcelona u Kroazja
Sergio Ramos Real Madrid u Spanja
Mohamed Salah Liverpool u Eġittu
Luis Suarez Barcelona u Urugwaj
Raphael Varane Real Madrid u Franza
