Għall-ħabta ta’ nofs in-nhar u għaxra, l-pulizija ssejħet fi Triq Għajn Dwieli f’Raħal Ġdid. Hemmhekk il-pulizija sabet raġel ta’ 44 sena minn Ħal Tarxien li kien għadu kif waqa’ minn fuq sellum.
Ir-raġel kien qed jaħdem f’garaxx meta għal xi raġuni waqa’ minn fuq sellum. Fuq il-post issejħet ukoll ambulanza li ħadet lir-raġel l-isptar Mater Dei. Aktar tard irriżulta li r-raġel kien qed isofri minn ġrieħi gravi.
L-investigazzjonijiet għadhom għaddejin.
//= $special ?>