Ftit tal-ħin ilu, qrib l-istabbiliment “Sprachcaffe'” f’Pembroke kienu arrestati diversi partitarji Kroati wara li dawn kienu qed jarmaw banners ta’ provokazzjoni bi preparazzjoni għal partita tal-lejla bejn Malta u l-Kroazja.
B’kollox inġabru disa’ Kroati u qed isiru tfittxijiet f’xi appartamenti. Mill-post innutajna li dawn il-persuni saħansitra lestew ġebel biex jintimidaw lill-Maltin qabel il-partita f’Ta’ Qali, u b’mod evidenti kienu taħt l-influwenza tal-alkoħol.
Dan minkejja li l-partitarji Kroati mhux se jkunu qed jitħallew jidħlu fil-grawnd Nazzjonali.
Informazzjoni ohra li daħlet fl-aħħar minuti tindika li grupp iehor ta’ partitarji jinsab fl-istess żona ta’ Pembroke fejn allegatament dawn dehru ilestu għal konfrontazzjoni mal-Pulizija.
Il-Kroati se jinżammu arrestati fid-Depot tal-Pulizija.
L-ebda partitarju Kroat mhu se jitħalla jidħol fl-Istadium Nazzjonali.
//= $special ?>