Il-kumpless kummerċjali MainStreet f’Raħal Ġdid kellu jiġi evakwat minħabba biża’ ta’ bomba li oriġina minn basket suspettuż li tħalla waħdu.
Minn informazzjoni li kiseb NETnews.com.mt jirriżulta li għall-ħabta tat-3pm, l-amministrazzjoni ġiet infurmata bil-basket suspettuż li kien barra wieħed mill-ħwienet u li qajjem biża’ li seta’ kellu fih xi bomba.
Kien għalhekk li, għal raġunijiet ta’ sigurtà, inħareġ l-avviż biex kulħadd joħroġ mill-kumpless sakemm ikun assigurat li m’hemmx periklu.
Fil-post issejħu l-Pulizija, li kkontrollaw is-sitwazzjoni u fi ftit ħin kienet se tinbeda tfittxija intensiva mal-kumpless kollu.
Madankollu, kollox ġie solvut fi ftit ħin, hekk kif sid il-basket mar biex jiġbru minfejn kien għadu kif nesieh.
//= $special ?>