Ritratt : Facebook Xarabank
Illum fil-Knisja ta’ Ħal-Għaxaq ingħatat l-Aħħar Tislima lil Trevor Mercieca.
Fl-Omelija, Fr Hayden Williams qal li qabel ma miet, Trevor għaddielu ittra u qallu hekk: “Qed naħseb biex kif immut nagħti ġismi għar-riċerka biex forsi nies oħra jkunu jistgħu ifiequ…” u hekk ħa jiġri. Ġisem Trevor ħa jmur l-Universita’ għar-riċerka.
Claire Mercieca, il-mara ta’ Trevor rringrazzjat lil kulħadd – lill-familja, lil sħabha tax-xogħol li permezz tagħhom setgħet tqatta’ l-aħħar sentejn ma Trevor, Community Chest Fund u lil Puttinu Cares u lil kull minn għen lill-familja tagħhom.
