Kien hemm ċelebrazzjonijiet fil-Kolombja wara ftehim ta’ paċi storiku bejn il-Gvern u r-ribelli xellugin tal-FARC, ftehim li kien iffirmat wara 52 sena ta’ konflitt.
L-aħbar ixxandret live minn Havana, il-kapitali ta’ Kuba fejn għal dawn l-aħħar sentejn kienu qed isiru t-taħditiet.
Fil-kunflitt fil-Kolombja hu stmat li 220,000 persuna nqatlu u miljuni kellhom jaħarbu minn djarhom.
Issa jmiss referendum dwar il-ftehim u dan se jsir f’Ottubru. Fost dawk li diġà hemm kontra dan il-ftehim hemm l-eks-President Kolombjan Alvaro Uribe
Dan il-konflitt kien dak l-aktar li kien ilu jkaxkar fl-Amerika Latina.