Il-President tar-Repubblika Marie Louise Coleiro Preca illum laqgħet lis-Segretarju Ġenerali tan-Nazzjonijiet Uniti Ban Ki-moon fil-Palazz ta’ San Anton.
Il-laqgħa kienet parti mis-serje ta’ impenji uffiċjali li kellu f’Malta s-Segretarju Ġenerali tan-Nazzjonijiet Uniti.
Matul il-laqgħa Coleiro Preca tkellmet dwar diversi temi fosthom l-iżvilupp sostenibbli, il-faqar u l-immigrazzjoni.
Ban Ki-moon għandu 71 sena u huwa t-tmien Segretarju Ġenerali fl-istorja tan-Nazzjonijiet Uniti. It-tieni mandat ta’ Ban Ki-moon jintemm bħal daż-żmien sena.
Ritratt: OPR
