Regola fondamentali tal-protokoll irjali hi li r-Reġina qatt ma titħalla tistenna. Iżda hekk ġara illum f’nofsinhar meta ir-Reġina Eliżebetta II u l-Prinċep Karlu ta’ Wales waslu fil-Palazz ta’ San Anton għal riċeviment tal-mexxejja ġodda tal-Commonwealth.
Dan l-“inċident” kien rappurtat mill-ġurnal Daily Telegraph li qal li l-għaxar mexxejja ġodda tal-Commonwealth weħlu fit-traffiku u kienu tard għar-riċeviment.
Il-ġurnal irrapporta li ħames minuti wara li l-ħin li suppost kellu jibda ir-riċeviment, kien għadu ma wasal ħadd u l-Prinċep irrimarka b’ċajta “Ċerti li qegħdin hawn?”. Eventwalment, l-ewwel tnejn li waslu kienu l-Prim Ministru Kanadiż Justin Trudeau u l-President tan-Niġerja Muhammed Buhari li qattgħu għaxar minuti jitkellmu mal-Prinċep Karlu u r-Reġina Eliżabetta rispettivament.
Iktar tard waslu il-mexxejja l-oħra li kienu eletti f’dawn l-aħħar sentejn li kienu ta’ Fiji, Guyana, Malawi, St Kitts and Nevis, Sri Lanka u Trinidad u Tobago
