Ira Losco rebħet il-Malta Eurovision Song Contest wara s-serata finali li ttellgħet illejla.
B’kollox, il-kanzunetta ‘Chameleon’ kisbet 68 punt minn ħames membri tal-ġurija kif ukoll mis-sitt membru tal-ġurija, li kien il-pubbliku u li vvota bit-televoting.
Fit-tieni post klassifikat Brooke bil-kanzunetta ‘Golden’.
Ira Losco se tkun qed tirrappreżenta lil Malta fil-Eurovision Song Contest li se jsir f’Mejju li ġej fl-Isvezja.
Il-kantanta kienet kisbet riżultat eċċellenti fl-2002 meta rrappreżentat lil Malta fil-Eurovision Song Contest. Dakinhar hi kienet klassifikat fit-tieni post bil-kanzunetta ‘7th Wonder’.
