Waqt li kien qed jindirizza l-Mass Meeting tal-Indipendenza fil-Belt, Mario de Marco, il-Viċi Kap tal-Partit Nazzjonalista qal li l-poplu ngħaqad mal-Partit Nazzjonalista biex jiċċelebra l-kisba tal-Indipendenza għaliex kein il-partit li dejjem emmen fil-poplu Malti, fiż-żgħażagħ Matin u Għawdxin fil-kapaċita’ u fid-determinazzjoni tal-poplu.
Il-Viċi Kap Nazzjonalista qal li l-indipendenza hi dritt ta’ kull poplu. Iżda hi wkoll dmir fuq kulmin imexxi l-pajjiż b’mod ġust. Hu dmir li min imexxi, juża s-seta’ li ngħata b’mod għaqli. L-indipendenza mhix ċelebrazzjoni ta’ ġurnata. L-indipendenza hi stat ta’ fatt li tingħex kuljum.
Mario de Marco qal li l-indipendenza tat saħħa lil kull persuna.Tat saħħa lill-istituzzjonijiet tal-pajjiż. Tat saħħa lill-parlament li jiddeċiedi b’mod indipendenti. Tat saħħa lill-awtoritajiet li jaħdmu b’mod awtonomu fl-interess tal-poplu.
Il-Viċi Kap Nazzjonalista qal li f’sentejn u nofs ta’ tmexxija ta’ Joseph Muscat, wieħed jistaqsi fejn spiċċat l-indipendenza. L-indipendenza ta’ numru ta’ awtoritajiet u istituzzjonijiet, fosthom il-MEPA, il-PBS, l-Armata, il-Korp tal-Pulizija, id-Dipartiment tal-Artijiet, u Identity Malta tnawwret. In-nies magħżula biex imexxi dawn l-awtoritajiet donnhom mhux qed jifhmu li qegħdin hemm biex iħarsu l-interess nazzjonali u mhux biex iħarsu l-interessi tal-Partit Laburista.
Mario de Marco qal li jrid jibgħat messaġġ ċar lil kulmin qiegħed jokkupa pożizzjoni pubblika. “Ftakru li l-lealta’ tagħkom hi lejn il-poplu kollu, lejn l-interess nazzjonali. Ftakru li llum jew għada tridu tatu kont għall-għemil tagħkom. Tħallux lill-politiżi jużawkom bħala paraventu biex jagħmlu dak li mhux fl-interess nazzjonali. Il-PN lest ikun it-tarka tagħkom u se jiddefendikom jekk tagħmlu d-dmir tagħkom.”
Mario de Marco qal li l-Gvern irid il-ħaddiema taċ-ċivil ma jarawx, ma jitkellmux u ma jisimgħux il-ħażin li jkun għaddej. Hu rrefera għall-attakki li saru mill-Gvern u mill-gazzetti tal-GWU sempliċiment għaliex eżerċitaw l-opinjoni tagħhom.
Il-Gvern irid jagġmel sarima ma ħalq il-ħaddiema tal-Gvern hekk kif qed jinkixfu skandlu wara ieħor.
Mario de Marco appella lill-ħaddiema taċ-Ċivil u tal-awtoritajiet biex ma jibżgħux fejn jaraw li qed isir il-ħażin. Il-PN mhu se jħalli lil ħadd ikasbar id-dritt tal-espressjoni u d-dritt tal-assoċjazzjoni. Dawn id-drittijiet iġġieldu għalihom missirjietna. Dawn huma drittijiet li gawdejna u ddefendejna għal 51 sena u ebda Gvern ta’ Musvau m’hu se jxellifhom.
Mario de Marco qal li l-Gvern qed jipprova jagħmel sarima anke ma ħalq l-Oppożiżżjoni biex jgħajjarha negattiva kull meta tikkritika. Qed jipprova jagġmel sarima billi ma jippubblikax l-informazzjoni u l-kuntratti. Qed jipprova jagħmel sarima lill-Oppożizzjoni billi juża x-xandir tal-Istat biex jagġti stampa partiġġjana u żbilanċjata. Qed jipprova jagġmel sarima ma’ ħalq il-media tal-PN billi ma l-Ministri ma jweġbux mistoqsijiet tal-ġurnalisti tal-media nazzjonalista.
Dan mhux se jaqta’ qalb l-Oppożizzjoni u l-PN se jibqa’ jgġid li l-pajjiż mhux sejjer tajjeb jekk in-numru ta’ nies fil-faqar jew f’riskju tal-faqar jibqa’ jiżdied. L-Oppożizzjoni se tibqa’ tgħid li l-poplu mhux sejjer tajjeb jekk il-prezz tal-fuel jibqa’ fost l-ogħla fl-ewropa. Se jibqa’ jgġid li l-ħaddiem mhux sejjer tajjeb jekk il-pagi mhux se jiżdiedu bl-istess rata ta’ qabel u n-nies jibqgħu ma jlaħħqux mal-ġajja.
L-Oppożizzjoni se tgħid li l-fabbriki mhux sejrin tajjeb jekk dak li jipproduċu u jesportaw jibqa’ jonqos. Se jibqa’ jgħid li l-pajjiż mhux b’saħħtu jekk il-pazjenti jibqgħu jmutu fil-kuriduri tal-isptar.
Mario de Marco sellem lill-kardjoloġista Albert Fenech li filwaqt li ħalla lil Franco Mercieca jkompli jopera meta kien Segretarju Parlametari waqqaf lil Professur Fenech meta dan seta’ jkompli jopera.
Mario de Marco qalli l-Oppożizzjoni se tibqa’ tgġid li l-Gvern ma jistax iħalli l-poplu fid-dlam dwar dak li ftiehem dwar il-power station, dwar it-trasport pubbliku dwar is-suppost universita amerikana, dwar il-kuntratt ta’ Henley and Partner u issa dwar id-drittijiet ta-tħaffir taż-żejt fl-ibħra Maltin.
Mario de Marco qal li l-Oppożizzjoni se tibqa’ tinsisti mal-Gvern li jwettaq il-wegġda tat-trasparenza, tal-meritokrazija u ta’ politika responsabbli.
Il-Viċi Kap Nazzjonalista qal li f’nofs leġislatura l-Gvern qed jagġħel liema wegħdiet iwettaq u liema jwarrab. Hemm wegħdiet li qed jaġevolaw lil tal-klikka u jagħmlu lill-ftit aktar sinjuri. Fl-istess waqt hemm nies li mhux ilaqħħu mal-ħajja.
Dan mhux mod kif jitmexx pajjiż. Pajjiżns jixraqlu aħjar. “Ejja noħolqu l-ġid biex igawdi minnu kulħadd u mhux il-ftit. Ejja nsaħħu s-servizzi tas-saħħa bil-fatti mhux bil-kliem. Ejja nerġgħu nroddu fidużja fl-istituzzjonijeit tal-gvern, fl-Armata u fil-Pulizija. Ejja npoġġu l-ambjent verament fuq quddiem tal-interess nazzjonali.” qal Mario de Marco.
Din hi l-missjoni ta’ dan il-partit, partit li jrid jerġa’ jġib ġustizzja i jqassam il-ġid b’mod aħjar ma’ kulħadd, temm jgħid Mario De Marco.
