Il-President tal-Istati Uniti, Barack Obama, talab lill-eletorat biex ikompli jibni fuq il-wirt politiku tiegħu u jagħti rebħa lil Hillary Clinton, il-kandidat tal-Partit Demokratiku, fl-elezzjoni għall-Presidenza Amerikana li ssir f’Novembru.
Meta tkellem waqt il-Konvenzjoni Nazzjonali tad-Demokratiċi fil-belt ta’ Philadelphia, Obama rrefera għal Clinton, li hi eks Segretarju tal-Istat Amerikan, bħala ‘l-aktar persuna kwalifikata li qatt ikkuntestat għall-White House’.
Skont Obama, l-elettorat tal-Istati Uniti jista’ jagħżel bejn ‘il-biża’ u t-tama’, bil-President jikkundanna lill-kandidat Repubblikan, Donald Trump, bħala politiku li jappella lill-preġudizzji tal-poplu aktar milli wieħed li jibbaża fuq ‘politika ta’ raġuni’.
Il-President Obama fakkar fir-rebħiet importanti tiegħu tul it-tmien snin li ilu jokkupa l-White House filwaqt li insista li wieħed għandu jħossu ottimist dwar il-futur. Hu faħħar il-karattru ta’ Hillary Clinton bħala ‘mexxejja li qed taħdem fuq pjan għat-twaqqigħ ta’ ostakli qalb is-soċjetà u biex jikber iċ-ċirku tal-opportunità għal kull Amerikan’.
Tkellem ukoll f’Philadelphia il-Viċi-President Amerikan Joe Biden li wkoll attakka lil
Donald Trump bħala ‘politiku li mgħandux idea tal-fatturi li jagħmlu lill-Istati Uniti pajjiż hekk kbir u influwenti.’ Biden, fl-istess ħin, akkuża lil Trump bħala ‘sostenitur tal-intolleranza reliġjuża’ u
Fl-aħħar sigħat, Hillary Clinton kienet qed tħejji biex taċċetta uffiċjalment in-nomina tal-Partit Demokratiku biex tikkuntesta għall-White House, bl-Istati Uniti u d-dinja qed jistennew għal konfronti ħorox bejnha u Trump qabel il-poplu Amerikan jikkonferma l-għażla għal President, f’Novembru.
