Helene Pellicano kisret rekord ieħor meta din id-darba saret l-ewwel tennista Maltija li rebħet il-Kampjonat Ewropew tal-Juniors.
Il-finali li ntlagħbet f’Pilsen fir-Repubblika Ċeka kienet fuq naħa waħda hekk kif Pellicano rebħet l-ewwel set 6-4 filwaqt li ddominat it-tieni set 6-1 biex għelbet lis-sid numru erba’ mir-Repubblika Ċeka Denisa Hindova, li kienet tpattija sportiva wara li ċ-Ċeki rebħu fil-kwarti tal-finali tad-doubles.
Din ir-rebħa kienet tfisser ir-raba’ set konsekuttiv mirbuħ wara li fis-semifinali għelbet l-isfida tal-Kroata Noa Krznaric. Pellicano kellha tirkupra wara li tilfet l-ewwel set 6-2, iżda kisbet it-tieni wieħed 7-6(4) bit-tie break filwaqt li rebħet it-tielet set 6-4.
F’Ottubru, Pellicano saret l-ewwel tennista Maltija li rebħet it-titlu tal-Juniors Masters filwaqt saret ukoll l-ewwel tennista li kienet is-sid numru wieħed fis-settur taż-żgħażagħ fl-Ewropa, post li mistennija żżomm meta r-rankings jiġu aġġornati għada.
