Raġel ta’ nazzjonalità Sirjana sofra feriti gravi wara li waqa’ minn għoli ta’ madwar żewġ metri minn fuq scaffolding f’Ħal Kirkop.
L-inċident seħħ għall-ħabta tas-1pm fi Triq il-Lewżiet.
Jirriżulta li għal xi raġuni, waqt li kien qed jagħmel xi xogħol, ir-raġel waqa’ minn fuq l-iscaffolding.
Fil-post issejjaħ tim mediku mill-Isptar Mater Dei, li ta l-ewwel għajnuna medika lir-raġel qabel ma ttieħed l-Isptar għal aktar kura.
Hemm hu kien iċċertifikat li qed isofri minn feriti gravi, iżda fortunatament mhux fil-periklu li jitlef ħajtu.
Il-Pulizija mill-Għassa taż-Żurrieq qed tinvestiga l-każ.
//= $special ?>