Spanjol ta’ 34 sena sofra feriti gravi wara li kien involut f’argument ma’ barrani ieħor f’San Ġiljan. L-inċident seħħ għall-ħabta tat-3.30am fi Triq Santu Wistin.
Fil-post, il-Pulizija sabu lill-Ispanjol ferut mal-art, filwaqt li ġew infurmati li l-barrani l-ieħor ħarab mill-post wara li ta daqqa ta’ ponn lill-vittma.
Mhux magħruf x’wassal għall-argument bejn iż-żewġ persuni.
L-Ispanjol ittieħed l-Isptar Mater Dei għall-kura, fejn ġie ċċertifikat li qed isofri minn feriti gravi kawża ta’ xi ksur li ġarrab.
L-investigazzjonijiet tal-Pulizija għadhom għaddejjin u qed jitmexxew mill-Għassa ta’ San Ġiljan.
//= $special ?>