Wara xhur ta’ spekulazzjoni u wara li llum rapporti mill-BBC ħabbru l-aħbar li Louis van Gaal tneħħa minn kowċ ta’ Manchester United, ftit tal-minuti ilu waslet l-uffiċjalità fuq is-sit uffiċjali tal-klabb.
Il-viċi Chairman eżekuttiv Ed Woodward irringrazzja lil van Gaal u lill-istaff tiegħu għax xogħol li għamlu fl-aħħar sentejn li laħqu l-qofol bit-12-il suċċess fl-FA Cup għal klabb suċċess li fisser unur f’erba’ pajjiżi għal van Gaal. Woodward kompla jgħid li van Gaal aġixxa bi professjonaliżmu kbir u b’dinjita matul iż-żmien tiegħu.
“Se jħallina b’legat li ta lil diversi plejers żgħażagħ, il-kunfidenza neċessarja fl-abiltajiet tagħhom fl-ogħla livell. Kull persuna fil-klabb tixtieq lilu suċċess fil-futur,” temmet l-istqarrija ta’ Woodward.
Is-sit uffiċjali ta’ Manchester United qal d-deċiżjoni fuq min se jkun is-suċċessur se titħabbar dalwaqt.
