Gew imnedija l-MSV Life Top Entrepreneur of the Year Awards għas-sena 2014, kompetizzjoni lokali li bdiet tliet snin ilu miftuħa għan-negozji. Is-serata finali, li mistennija tattira mal-500 mistieden, se ssir fis-16 ta’ Mejju li ġej.
Il-kompetizzjoni hija mmirata għal negozjanti, kemm ġodda kif ukoll dawk stabbiliti, li huma innovattivi u kreattivi u li b’hekk jingħataw rikonoxximent ta’ dak li rnexxilhom jibnu fin-negozju tagħhom. Jingħataw rikonoxximent ukoll għal dak li jkun irnexxilhom jagħtu bħala kontribut lis-socjeta’.
L-isponsors ewlenin tal-edizzjoni ta’ din is-sena huma MSV Life, tant li l-Kap Ezekuttiv David Curmi se jkun qed imexxi l-ġurija ta’ din il-kompetizzjoni.
L-għan wara dawn l-unuri hu biex fil-ħidma tagħhom, in-negozjanti ma jħarsux biss lejn il-profitti iżda jħarsu wkoll lejn kif jistgħu jkunu ta’ kontribut fis-soċjeta’, jkunu innovattivi kif ukoll iżommu standards fil-prodotti li jipproduċu u s-servizzi li jagħtu.
