Fil-Padiljun ta’ Ta’ Qali se jkun deċiż ir-rebħ tal-Kampjonat BOV meta Luxol u Athleta jiltaqgħu fil-ħames play-off deċiżiva. Fl-ewwel play-off kienu Athleta li ħarġu rebbieħa bi skor ta’ 94-85 imma fit-tieni play-off Luxol wettqu reazzjoni u rebħu 94-87. Athleta rebħu t-tielet play-off 85-81 u fir-raba’ play-off kollox deher li Athleta kienu se jirbħu t-titlu imma fl-aħħar minuti Luxol wettqu rimonta mill-aqwa u wara li sfurzaw il-ħin barrani rebħu l-logħba 98-96.
Luxol se jkunu qed jippruvaw jirbħu t-titlu għat-12-il darba filwaqt li Athleta se jkunu qed ifittxu li jirbħu t-titlu għall-10 darba.
