Skont rapporti fil-media, fl-aħħar sigħat, instabu aktar xtieli tal-kannabis f’roundabouts. Din id-darba, il-każ seħħ f’Ħaż-Żebbuġ u hu ieħor minn sensiela ta’ sejbiet tad-droga fir-roundabouts, wara li l-ġimgħa li għaddiet, MaltaRightNow.com żvela li nstabu mijiet ta’ pjanti tal-kannabis f’numru ta’ roundabouts u central strips f’Għawdex.
Skont dawn ir-rapporti, fir-roundabout ta’ Ħaż-Żebbuġ instabu żewġ xtieli tal-kannabis qalb xi siġar taż-żebbuġ u ħaxix ħażin. Il-Pulizija kkonfermat ma’ MaltaRightNow.com li daħlu dawn ir-rapporti, iżda qaltilna li meta Pulizija marru fil-post ma sabu xejn. Madankollu, fid-dawl tar-rapporti li saru, xorta waħda bdew investigazzjoni.
