Night Receptionist impjegata ta’ lukanda fi Triq ix-Xatt f’Tas-Sliema spiċċat vittma ta’ hold-up matul il-lejl li għadda.
Il-każ seħħ fit-3.15am fil-lukanda 115 The Strand, meta żewġ persuni daħlu fil-lukanda b’wiċċhom mgħammad u armati bi strument li jaqta’ u bil-ponta biex jitolbu l-flus lill-impjegata.
Ħadd ma weġġa’ f’dan l-inċident, filwaqt li hu stmat li l-flus misruqa jammontaw għal aktar minn €600. Il-Pulizija għadha qed tinvestiga l-każ.
