Ir-regola li trid titfi kull apparat elettroniku matul it-tlugħ u l-inżul dalwaqt se tispiċċa, hekk kif l-Air Malta tħaddan era teknologika ġdida.
Fil-fatt, mill-1 ta’ Ġunju, l-Air Malta se tneħħi ħafna mir-restrizzjonijiet relatati mal-użu tal-apparat elettroniku abbord it-titjiriet tagħha. Apparat bħal tablets, smartphones u e-readers se jkunu jistgħu jintużaw matul il-fażijiet kollha tat-titjira, kemm-il darba jitpoġġew fuq flight mode qabel it-titjira.
