Sewwieq ta 47 sena inqaleb bil-karozza tiegħu fi Triq l-Imdina Ħaż-Żebbuġ għall-ħabta tal-17:00.
Ir-raġel li għandu 47 sena hu residenti x-Xewkija Għawdex inqaleb bil-karozza tiegħu ‘Kia Avella’ wara li kien involtu f’ħabta ma’ karozza tat-tip ‘Volkswagen Passat’ li kienet misjuqa minn raġel ta’ 20 sena mill-Mosta.
Is-sewwieqa tal-Kia kellu jinħareġ mill-karozza tiegħu bl-għajnuna ta’ pulizija tat-taqsima tat-traffiku wara li inqabad fil-karozza. Hu ttieħed l-isptar Mater Dei għal aktar kura permezz tal-ambulanza li ssejħet fuq il-post.
Il-Pulizija avżat biex is-sewwieqa jużaw toroq alternattivi hekk kif it-triq fid-direzzjoni għar-Rabat hija magħluqa għat-traffiku.
