Is-Sibt 14 ta’ Gunju hu l-Jum Dinji tad-Donaturi tad-Demm. Jum li fih jigi apprezzat il-ġest sabiħ tal-għoti tad-demm.
Biex titfakkar din il-ġurnata ċ-Ċentru tal-Ghoti tad-Demm organizza Festa ghad-Donaturi tad-Demm fi Pjazza San Luqa fi Gwardamanga.
Ma setax jonqos li ħafna ħatfu din l-okkazjoni biex jagħtu d-demm. Uħud minnhom xi ħaġa li huma mdorrijin jagħmlu. Oħrajn inqdew b’din l-okkażjoni biex jagħtu d-demm għall-ewwel darba.
Waħda mill-attrazzjonijiet tal-attivita kienet kartolina ta’ ringrazzjament mid-donaturi tad-demm lil dawk kollha li xi darba jew oħra għażlu li jsalvaw ħajja billi jagħtu d-demm.
Il-Kap tal-PN Simon Busuttil, akkumpanjat mad-Deputat Joe Cassar, żar din l-attivita. Huwa tkellem mal-ħaddiema taċ-Ċentru tal-Għoti tad-Demm u faħħar din l-inizjattiva. Il-Kap tal-PN Simon Buusttil kellu l-opportunita wkoll li jitkellem ma’ dawk kollha li attendew għal din l-attivita biex jagħtu d-demm.
Waqt l-attivita pparteċipaw numru ta’ għaqdiet volontarji u l-pubbliku kellu l-opportunita li jieħu pariri u servizzi b’xejn mill-membri tad-Dipartiment tal-Promozzjoni tas-Saħħa u l-Kura Preventiva u mill-membri tad-Dipartiment tal-Kura Primarja. Ma naqsitx il-varjeta mit-talent Malti.
Iktar tard il-President ta’ Malta Marie Louise Coleiro Preca żaret din l-attivita u tat messaġġ għal din l-okkazjoni u, flimkien ma’ għadd ta’ donaturi tad-demm u t-tfal tagħhom, tajret bżieżaq li jirrapprezentaw id-demm li d-donaturi jagħtu lill-pazjenti.
