Fl-okkażjoni ta’ Jum il-Missier, il-Kap tal-Partit Nazzjonalista Simon Busuttil żar numru ta’ missirijiet fid-Dar tal-Anzjani tal-Imtarfa.
Matul din iż-żjara, Simon Busuttil kellu ċ-ċans jiltaqa’ u jitkellem ma’ bosta anzjani u impjegati ta’ din id-dar.
Din iż-żjara kienet milqugħa mill-anzjani, li filwaqt li ltaqgħu mal-Kap tal-Partit Nazzjonalista, rrakkontaw ukoll xi storja jew tnejn tal-passat tagħhom.
Kienu bosta wkoll dawk li ħadu l-okkazzjoni sabiex rreċiprokaw l-awgurju ta’ Jum il-Missier lil Simon Busuttil… billi awguraw jum mill-aqwa lil Kap tal-Partit Nazzjonalista li hu nnifsu huwa missier.
Matul din iż-żjara il-Kap tal-Partit Nazzjonalista kien akkumpanjat mid-Deputat Joe Cassar.
