Għaddas Awstrijak tilef ħajtu wara li sab ruħu f’diffikultà waqt li kien qed jogħdos f’Ras ir-Reqqa, fil-limiti tal-Qbajjar.
Jirriżulta li r-raġel, li għandu 64 sena, għal xi raġuni sab ruħu f’diffikultà. Xi persuni li kienu fiż-żona ndunaw b’dan u ċemplu mmedjatament lill-Pulizija. Iżda minkejja l-intervent immedjat, sfortunatament ir-raġel kien iċċertifikat mejjet fil-post.
Bil-każ ġiet infurmata l-Maġistrat tal-għassa, li ħatret diversi esperti biex jassistu fl-inkjesta. Il-Pulizija għadha qed tinvestiga l-każ.
