Tliet żgħażagħ weġġgħu tard ilbierah filgħaxija wara li kienu nvoluti f’inċident tat-traffiku f’Ħaż-Żebbuġ. Jirriżulta li t-tliet persuni kienu f’karozza tat-tip Vitz, li għal xi raġuni jew oħra baqgħet dieħla f’ħajt fi Triq l-Imdina.
Kellhom ikunu membri mid-Dipartiment tal-Protezzjoni Ċivili li ħarġu lis-sewwieqa, tfajla ta’ 18-il sena minn Ħaż-Żebbug stess, mill-vettura. Weġġgħu wkoll tfajla u ġuvni ta’ 16-il sena li kienu mas-sewwieqa fil-ħin tal-inċident.
