Wara l-aħbar tal-bieraħ, li fiha kienet irrappurtata l-ħsara estensiva minn terzi persuni fl-infrastruttura tagħha fl-inħawi ta’ Triq is-Salina f’Baħar iċ-Ċagħaq, stqarrija ppubblikata llum mill-kumpanija GO qalet li s-servizzi fil-lokalitajiet kollha affettwati ġew lura għan-normal fit-8pm tal-bieraħ.
GO irringrazzjat lit-timijiet ta’ tekniċi nvoluti li ħadmu mingħajr waqfien biex is-servizz jirritorna lura għan-normal fl-iqsar żmien possibbli. Għal darb’oħra, il-kumpanija skużat ruħha għall-inkonvenjenza li setgħet kienet ikkawżata minħabba din l-interruzzjoni.
