Tfittxija għall-għarrieda fuq lanċa Maltija wasslet għas-sejba ta’ 63,600 sigarett tal-kuntrabandu, li fuqhom hemm aktar minn €12,500 f’dazji u taxxi.
Fi stqarrija, il-Gvern qal li l-sejba saret ilbieraħ filgħodu minn membri mit-Taqsima tal-Infurzar tad-Dwana, hekk kif il-lanċa waslet fil-Port il-Kbir mil-Libja.
Fl-istqarrija ngħad li s-sigaretti u l-lanċa ġew miżmuma mid-Dwana għal aktar investigazzjonijiet.
