Il-klabb Ċiprijott Anorthosis Famagusta FC hu nteressat fl-akkwist tal-Captain ta’ Valletta Ryan Fenech. Fenech hu apprezzat ferm mill-eks kowċ tiegħu Andre Paus, li ftit ilu nħatar fit-tmexxija tal-klabb.
Kienet il-Paġna ta’ Replay fuq Facebook li żvelat din l-aħbar, bil-plejer Ryan Fenech stess jikkonferma li hemm interess. Madankollu, qal li għadu ma jafx kif se jiżvolġu l-affarijiet minn hawn ‘il quddiem.
Paus qed jipprova jakkwista wkoll lid-difensur Steve Borg, li l-Ħadd li għadda wasal l-Afrika ta’ Isfel u bħalissa jinsab bi prova ma’ klabb lokali. It-trasferiment ta’ Borg, plejer ieħor li Paus kellu l-opportunità jikkowċja, hu aktar possibbli li jseħħ minn dak ta’ Fenech minħabba li Borg jinsab bla kuntratt.
