Mara ta’ 31 mir-Rabat ittieħdet l-Isptar Mater Dei wara li sofriet ġrieħi ħfief f’inċident tat-traffiku llbieraħ filgħaxija għall-ħabta tat-20:30, fi Triq it-Telgħa tas-Saqqajja ir-Rabat.
Għal xi raġuni seħħ impatt bejn karozza misjuqa mill-mara ta’ 31 sena tat-tip Volkswagen Golf direzzjoni Ħ’Attard ma’ karozza tat-tip Daihatsu Sirion misjuqa minn ġuvni ta’ 22 sena minn Tas-Sliema li kien ġej mid-direzzjoni opposta.
Fil-karozza flimkien mal-ġuvni kien hemm ukoll tliet tfajliet ta’ 22 sena minn Tas-Sliema wkoll.
Fuq il-post issejħet l-ambulanza li ħadet lill-mara l-Isptar Mater Dei biex tingħata l-kura meħtieġa.
