Fl-ewwel ġurnata tal-Kampjonati Ewropej tal-Atletika li qed isiru fi Żurich, fl-azzjoni l-uniċi żewġ atleti Maltin.
Kevin Moore fil-heat numru 5 tal-100 metru għamel id-distanza f’10.49 sabiex kiseb record nazzjonali ġdid sabiex fost 36 atleta fil-klassifika finali temm fit-28 post.
Huwa falla milli jidħol fis-semi finali għal 0.05 sekondi.
Kevin Moore jerġa jkun fl-azzjoni fil-200 metru fejn l-għan ewlieni huwa li jinżel taħt il-21 sekonda.
Kienet wkoll fl-azzjoni Rebecca Camilleri fil-Long Jump li wara li qabżet 6.10 metri, fit-tieni qabża għamlet 6.17 metru iżda l-aħħar qabża tagħha kienet ta’ 6.08 metru sabiex fi Grupp B spiċċat fil-11 il-post u fit-22 post overall fost 27 atleta.
