Ivan Farruġia ta’ 28 sena minn Ħaż-Żabbar ittieħed l-isptar Mater Dei wara li qala’ daqqa’ ta’ sikkina f’ġenbu mingħand raġel ieħor.
Il-każ seħħ fi Triq il-Miklem Malti f’Wied il-Għajn għall-ħabta tal-17:00.
L-allegat agressur Brandan Pace li hu minn Wied il-Għajn u li għandu 19-il sena, ħarab mill-post u qed ikun imfittex mill-Pulizija fl-inħawi tal-Ħamrun.
Fuq il-post issejħet ambulanza li ħadet lill-vittma l-isptar. Jidher li ż-żagħżugħ qed isofri minn ġrieħi f’ġembu iżda mhux fil-periklu tal-mewt.
