Numru ta’ sajjieda Għawdxin jinsabu urtati wara deċiżjoni li permezz tagħha se jkunu mġiegħla jneħħu d-dgħajjes tagħhom mill-Menqa ta’ Marsalforn.
Dan is-sit ħa l-kummenti ta’ wieħed mis-sajjieda li ntlaqat minn din id-deċiżjoni li se tkun qed teffetwa madwar 30 sajjied li għandhom dgħajsa tas-sajd reġistrata taħt kategorija partikolari, magħrufa bħala MFC li tiġbor fiha bastimenti mhux kummerċjali, jiġifieri għar-rikreazzjoni.
Spjegalna li se jkollu jneħħi d-dgħajsa tiegħu wara li kien ilu fil-menqa għal iktar minn 50 sena.
