Qed tfeġġ tama fil-ġlieda kontra l-Ebola wara li ż-żewġ missjunarji Amerikani li kienu mardu bl-Ebola fiequ. Huma kienu ttieħdu lura pajjiżhom mil-Liberja, fejn ingħataw kura bi droga sperimentali.
Sadanittant, fl-Irlanda qed isiru testijiet fuq katavru ta’ raġel li miet wara li żar Sierra Leone minħabba l-possibbiltà li kellu l-Ebola. Fl-istess waqt, in-Nazzjonijiet Uniti qed tbassar li jista’ jkun hemm splużjoni tal-każi fil-ġimgħat li ġejjin.
